ماشي يا مصر

ماشي يا مصر
ماشي و ماشي
فايت أرضك اللي سقتني سنين القهر
ملعون ناسك كفره بخيرك
بيت العفة بقى مواخيرك
أكبر صفحة عملها كبيرك
باع العزة بطمية نيلك

ألف ندامة عليك يا مصر
ألف خسارة على اللي يفكر يعمل أمة تجيب النصر

آدي الكلب و آدي الكلبة
هو بيأمر هي تنفذ
و احنا بهايم جوَّه السلبة
دول حرَّاس البيت الأبيض
يجمعوا ليهم حبة بحبة

عيني عليك يا دمعة جرحي
دا انتي يا بلدي عذابي و فرحي
أنا مش هرجع يوم ما هودع
الا عشان أبحث عن بسمة
يمكن تاني في يوم ألاقيها
و ابني في أرضك ليها القصر
ألف سلامة عليكي يا مصر